دشمنِ احمد پہ شدت کیجئے

نعتِ رسولِ مقبول

کلام: اعلیٰ حضرت امام احمد رضا خاں علیہ رحمۃ الرحمن

دشمنِ احمد پہ شدت کیجئے

ملحدوں کی کیا مروت کیجئے

ذکر ان کا چھیڑیئے ہر بات میں

چھیڑنا شیطاں کا، عادت کیجئے

مثل فارس زلزلے ہوں نجد میں 

ذکرِ آیاتِ ولادت کیجئے

غیظ میں جل جائیں بے دینوں کے دل

یارسول اللہ کی کثرت کیجئے

کیجئے چرچا انہیں کا صبح و شام

جانِ کافر پر قیامت کیجئے

اذن کب کا مِل چکا اب تو حضور 

ہم غریبوں کی شفاعت کیجئے

شرک ٹھہرے جس میں تعظیمِ حبیب  

اس بُرے مذہب پہ لعنت کیجئے

ظالمو محبوب کا حق تھا یہی

عشق کے بدلے عداوت کیجئے

بیٹھتے اٹھتے حضورِ پاک سے

التجاءو استعانت کیجئے

یارسول اللہ دہائی آپ کی

گوش مال اہلِ بدعت کیجئے

غوثِ اعظم آپ سے فریاد ہے 

زندہ پھر یہ پاک ملت کیجئے

یا خدا تجھ تک ہے سب کا منتہی

اولیاءکو حکمِ نصرت کیجئے

میرے آقا حضرت اچھے میاں

ہو رضا اچھا وہ صورت کیجئے

Advertisements

One thought on “دشمنِ احمد پہ شدت کیجئے

  1. “شرک ٹھہرے جس میں تعظیمِ حبیب

    اس بُرے مذہب پہ لعنت کیجئے”

    بہت خوب جزاک اللہ ۔۔۔۔۔۔۔۔۔۔۔۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s