وضو کے فرائض

وضو کے فرائض
 وضو کے چار فرائض ہيں ۔
نمبر 1  پورا منہ دھونا ( يعني پيشاني کے شروع سے لے کر ٹھوڑي  تک اور ايک کان سے دورے کان تک تمام جلد پر ايک مرتبہ پاني بہانا فرض ہے)
مونچھوں يا بھنوؤں کے بال اگر گھنے ہوں تو صرف ان بالوں کا دھونا فرض ہے اور اگر گھنے نہ ہوں تو جلد کا دھونا بھي فرض ہے، اسي طرح داڑھي کے بال اگر گھنے نہ ہو تو جلد کا دھونا فرض ہے، ہونٹوں کا وہ حصہ جو عادہ بند کرنے کے بعد ظاہر رہتا ہے اسکا دھونا بھي فرض ہے۔
نمبر 2  دونوں ہاتھ کہنيوں سميت دھونا ، کسي عضو کے دھونے کے يہ معني ہيں کہ اس عضو کے ہر حصے پر کم سے کم دو دو بوندپاني بہہ جائے، بھيگ جانے يا تيل کي طرح پاني چپڑ لينے يا ايک آدھ بوند بہہ جانے کو دھونا نہيں کہيں گے اور نہ ہي اس سے وضو يا غسل ادا ہوگا،  ہر قسم کے چھلے، نتھ، انگوٹھياں، چوڑياں وغيرہ اگر اتنے تنگ ہوں کہ انکے نيچے پاني نہ بہے تو انہيں اتار کر جلد کے ہر حصہ پر پاني پہنچانا ضروري ہے۔
نيل پالش لگي ہو تو اسے دور کيے بغير وضو يا غسل نہيں ہوگا، البتہ جس چيز کي آدمي کو عموما يا خصوصا ضرورت پڑتي رہتي ہے اور اسکي نگہداشت و احتياط ميں حرج ہو، ناخنوں کے اندر يا اوپر يا کسي اور دھونے کي جگہ اسکے لگے رہ جانے سے وضو ہو جائے گا اگر چہ وہ سخت چيز ہو اور اسکے نيچے پاني نہ پہنچے،  مثلا پکانے گوندھنے والوں کے ليے آٹا، رنگريز کے ليے رنگ کا جرم، عورتوں کے ليے مہندي، لکھنے والوں کے ليے روشنائي ، مزدور کے ليے گارا  مٹي اور عام لوگوں کے ليے پلکوں ميں سرمہ کا جرم يا بدن کا ميل وغيرہ۔
نمبر 3  چوتھائي سر کا مسح-   مسح کرنے کے ليے ہاتھ تر ہونا چاہيے خواہ تري اعضاء کے دھونے کے بعد رہ گئي ہو يا نئے پاني سے ہاتھ تر کر ليا ہو، کسي عضو کے مسح کے بعد جو ہاتھ ميں تري باقي رہ جائے گي وہ دوسرے عضو کے مسح کے ليے کافي نہ ہوگي۔
نمبر 4  دونوں پاؤں دھونا،  انگليوں کي کروٹيں، گھائياں ، گٹے ، تلوے اور ايڑياں سب کا دھونا فرض ہے،  اگر خلال کيے بغير انگليوں کے درميان پاني نہ بہتا ہو تو خلال بھي فرض ہے۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s